محترمہ سمینہ رضوان

ثمینہ رضوان کام کاج نیٹ ورک پرائیویٹ لمیٹیڈ کی CEO اور بانی پارٹنر ہیں، جو کمیونٹی کے لیے ایک معاون کام کرنے کی جگہ اور پیشہ ورانہ خدمات فراہم کرنے والا ادارہ ہے۔کام کاج ہنرمندلوگوں کے بکھرے گروپوں کوایک صحتمند اور متحرک ارکان میں تبدیل کرنے کی خواہش رکھتا ہے، جو خاص طور پر اپنے کاروباری منصوبوں میں اور عمومی طور پر کمیونٹی کے ماحولیاتی نظام میں اعلیٰ کردار ادا کرتا ہے۔ اسلام آباد میں فلیگ شپ پراجیکٹ، CalmKaaj coworking space، کام کر رہا ہے، اور بہت سے فالو اپ پروجیکٹس جیسے کمیونٹی اور شراکت داری، پیشہ ورانہ خدمات،فراہم کرنے کے لئے سرگرم عمل ہیں۔ Big Tech میں اپنے 20 سالہ انٹرنیشنل لیول کے کیریئر کے بعد، ثمینہ صاحبہ پاکستان واپس تشریف لائیں اور Code for Pakistan سے وابستہ ہو گئیں، جو کہ ایک غیر منافع بخش ادارہ ہے، جہاں بطور کنٹری ڈائریکٹر، انہوں نےCivic Tech کو سپورٹ کیا۔
ثمینہ صاحبہ نے 2001 میں اوریکل میں منیجنگ ڈائریکٹر، ساؤتھ ایشیا گروتھ اکانومیز کے طور پر شمولیت اختیار کی، اور پاکستان میں اوریکل کے قیام کو عمل میں لائیں، جس کی وجہ سے سری لنکا، بنگلہ دیش، نیپال، اور افغانستان سمیت خطے کے دیگر ممالک کی پاکستان نے قیادت کی۔ اوریکل کے ساتھ ثمینہ صاحبہ کی آخری اسائنمنٹ کلیدی اور لیڈ اکاؤنٹس کی نائب صدر کی حیثیت سے تھی، جہاں انہوں نے آسیان میں اوریکل کے انتہائی اہم کسٹمر اکاؤنٹس کی ذمہ داری سنبھالی۔ اس سے پہلے، انہوں نے ECEMEA تجزیات اور بگ ڈیٹا ٹیم کی قیادت کی، جس نے ڈیٹا mgmt اور صارفین کے لیے پلیٹ فارم فراہم کیا۔ گزشتہ بیس سالوں میں ثمینہ صاحبہ کی توجہ نئے علاقوں میں آپریشنز کے قیام اور اسکیلنگ پر مرکوز رہی ہے اور آپ نے مختلف رینجز جیسا کہ MEA، SAGEاور ASEANمیں کٹنگ ایج سلو شنز اور ٹیکنالوجیز کو متعارف کروایا ہے۔
اوریکل سے قبل ثمینہ برطانوی ٹیلی کام کمپنی کیبل اینڈ وائرلیس کے ماتحت ادارے پاکٹیل لمیٹڈ میں انفارمیشن سسٹمز کی ڈائریکٹر تھیں۔ انہوں نے اپنے کیریئر کا آغاز 30 سال قبل واشنگٹن ڈی سی میں امریکن سیکیورٹی بینک لمیٹڈ کے سسٹم اینالسٹ کے طور پر کیا تھا۔ ان کا انڈسٹری کا تجربہ بنیادی طور پر بینکنگ، ٹیلی کام اور پبلک سیکٹر میں ٹیکنالوجی سلوشنز پر مشتمل ہے۔
ثمینہ صاحبہ نے پاکستان میں ایک رجسٹرڈ ٹرسٹ رضوان اسکالرز کی بنیاد رکھی، جو ملک میں پسماندہ طبقات کے طلباء کے لئے تیسرے درجے کی تعلیمی اسکالرشپس کو اسپانسر کرتا تھا۔ ثمینہ پاکستان کے ابھرتے ہوئے اسٹارٹ اپ ایکو سسٹم میں گہری دلچسپی رکھتی ہیں، ابتدائی مرحلے کے اسٹارٹ اپس میں سرمایہ کاری کرتی ہیں جو تعلیم، صحت کی دیکھ بھال، زراعت، پسماندہ برادریوں کی شمولیت، اور مقامی چھوٹی اور درمیانی صنعتوں میں تکنیکی خدمات پیش کرتے ہیں۔
ثمینہ صاحبہ نے لاہور یونیورسٹی آف مینجمنٹ سائنسز سے ایگزیکٹو ایم بی اے اور واشنگٹن ڈی سی میں امریکن یونیورسٹی سے انفارمیشن سسٹم میں بیچلر آف سائنس کی ڈگری حاصل کی ہے۔ وہ پی ایم آئی سے سرٹیفائیڈ پی ایم پی اور پی آئی سی جی سے سرٹیفائیڈ بورڈ ممبر ہیں۔آپUSAID IPA اور نیشنل انکیوبیشن سینٹر پشاور کے ایڈوائزری بورڈز کی رکن کی حیثیت سے خدمات انجام دے رہی ہیں۔

ایسوسی ایشن، سرٹیفیکیشنز اور ایوارڈز

• ممبر ایڈوائزری بورڈ آفUSAID IPA، پاکستان
• ممبر ایڈوائزری بورڈ آف نیشنل انکیوبیشن سینٹر، پشاور
• اوریکل کارپوریشن سے کئی سالوں سے کلب ایکسیلنس کارکردگی کی فاتح
• پراجیکٹ مینجمنٹ انسٹی ٹیوٹ (PMI) کی مصدقہ پی ایم پی (یہ سرٹیفیکیشن حاصل کرنے والی پہلی پاکستانی خاتون)
• پاکستان انسٹی ٹیوٹ آف کارپوریشن گورننس سے مصدقہ ڈائریکٹر
• اعلیٰ تعلیم کے لیے USAID سے اسکالرشپ جیتنے والی خاتون
• سابق ممبر پرائم منسٹر بزنس کونسل آف پاکستان
• سابق عالمی ایگزیکٹو کمیٹی ممبر، اوریکل ویمن لیڈر شپ
• سابق ممبر بورڈ آف گورنرز FMTI-PIMS
• سابق ممبر بورڈ آف ڈائریکٹرز، خوشحالی بینک
• سابق ممبر ایڈوائزری بورڈ، مسابقتی سپورٹ فنڈ، USAID
• کمیٹی کی سابق رکن، ENBD، دبئی ٹیکنالوجی حل اور اختراعات

ڈاکٹر ندیم عنایت

ڈاکٹر ندیم عنایت نے20 جون 2013 ء کو عسکری بینک کے بورڈ آف ڈائریکٹر میں شمولیت اختیار کی۔

ڈاکٹر ندیم عنایت فوجی فاؤنڈیشن میں حکمت عملی ،انضمام اور حصول یابی کے سینئر ڈائریکٹر ہیں۔ آپ نے معاشیات میں ڈاکٹریٹ کی ڈگری حاصل کی ہے اور
کارپوریٹ سیکٹر میں بالخصوص کارپوریٹ گورننس ، پالیسی کی تشکیل، پروجیکٹ کا جائزہ، عمل درآمد، نگرانی اور جانچ پڑتال، تنثیم نو، اور عطیات دینے والے اداروں کے ساتھ اشتراک کا 28 سال کا متنوع تجربہ رکھتے ہیں ۔

آپ پاکستان میں اعلی تعلیم کے لئے اچھی ساکھ والے اداروں میں معاشیات اور بین الاقوامی تجارت اور سرمایہ کے مختلف کورسز کا انعقاد بھی کراتے ہیں۔ آپ پاکستان انسٹیٹیوٹ آف ڈویلپمنٹ اکنامکس (PIDE) کے رکن ہیں۔

آپ درج ذیل کمپنیوں کے بورڈز پربھی ڈائریکٹرشپ کےحامل ہیں

• فوجی فرٹیلائزر کمپنی لمیٹڈ
• فوجی فرٹیلائزر بن قاسم لمیٹڈ (ایف ایف بی ایل)
• ماری پٹرولیم کمپنی لمیٹڈ (ایم پی سی ایل )
• فوجی فوڈز لمیٹڈ (ایف ایف ایل)
• حب پاور کمپنی لمیٹڈ
• فوجی سیمنٹ کمپنی لمیٹڈ (ایف سی سی ایل)
• پاکستان ماروک فاسفور، ایس اے ماروکو
• فوجی آئل ٹرمینل اینڈ ڈسٹری بیوشن کمپنی لمیٹڈ(ایف اوٹی سی او)
• فوجی ٹرانس ٹرمینل لمیٹڈ(ایف ٹی ٹی ایل)
• فوجی میٹ لمیٹڈ (ایف ایم ایل)
• ایف ایف بی ایل فوڈز لمیٹڈ
• فوجی اکبر پورٹیہ میرین ٹرمینل لمیٹڈ(ایف اے پی)
• فوجی انفراویسٹ فوڈز لمیٹڈ (ایف آئی ایف ایل)
• فوجی کبیر والا پاورکمپنی لمیٹڈ(ایف کے پی سی ایل )
• فاؤنڈیشن پاور کمپنی ڈہرکی لمیٹڈ(ایف پی سی ڈی ایل )
• ڈہرکی پاورہولڈنگ کمپنی لمیٹڈ(ڈی پی ایچ ایل)
• فوجی فریش ان فریز لمیٹڈ(ایف ایف ایف ایل)
• فاؤنڈیشن ونڈ انرجیI- لمیٹڈ(ایف ڈبلیو ای ایل – I)
• فاؤنڈیشن ونڈ انرجی-II لمیٹڈ(ایف ڈبلیو ای ایل- I I)
• فوجی الیکٹرک پاور کمپنی لمیٹڈ (ایف ای پی سی او)
• ایف ایف بی ایل پاور کمپنی لمیٹڈ (ایف پی سی ایل)
• فونگرو پرائیوٹ لمیٹڈ
• فوجی سولر انرجی لمیٹڈ

سید بختیار کاظمی

سید بختیار کاظمی نے 18 نومبر ،2020 کو بورڈ میں شمولیت اختیار کی۔وہ عسکری بینک لمیٹڈ کی بورڈ آڈٹ کمیٹی کے ممبر بھی ہیں۔

آپ چارٹرڈ اکاؤنٹنٹ ہیں آپ کے پاس قومی اور علاقائی اقتصادیات کے مختلف سیکٹرل اور فنکشنل طبقات کے مختلف نوعیت کے شعبہ جات میں 35 سال سے زائد
تجربہ ہے۔آپ کی مہارت کے اہم شعبہ جات میں مالی پالیسیوں اور مائیکرو اکنامک ریسرچ، گرین فیلڈ اور براؤن فیلڈ منصوبوں ، اسٹریٹجک تعاون، انضمام اورحصول ، اکاؤنٹنگ اور فنانس میں آؤٹ لئیر ، اسٹریٹجک سطح کے آڈٹ اور ایشورنس اور ٹیکس اصلاحات اور حکمت عملی کا وسیع تجربہ رکھتے ہیں۔

آپ نے کے پی ایم جی میں 35 سال خدمات سرانجام دیں؛ گزشتہ 25 سال سے پارٹنر رہے ہیں ۔پارٹنر کی حیثیت سے آپ تقریبا ہر صنعت کی قیادت کے ساتھ منسلک رہے، ان کے وژن ، بصیرت اور سب سے بڑھ کر ان کی کاروباری حکمت عملیوں کا ادراک حاصل ہوا۔وہ مختلف نوعیت کے شعبوں اور منصوبوں میں بھرپور تجربے کیو جہ سے اپنے صارفین کےلئے تزویراتی اہمیت کی حامل اضافی اقدار اور خیالات پیش کیے جن کا تعلق عوامی اور نجی شعبوں سے تھا۔

آپ نے کامیابی کے ساتھ ایک جامع سروس ڈیلیوری فریم ورک کو نافذ کیا جو کے پی ایم جی کے صارفین کو موثر اور معیاری خدمات فراہم کرنے کو یقینی بناتا ہے، اور مشاورتی اور ٹیکس سروسز کے ساتھ کراس فنکشنل انضمام کیا جس نےصارفین کو ایک مضبوط اور جامع سروس ڈیلیوری پیکیج کو یقینی بنایا۔ایک آڈیٹر اور ایڈوائزر کی حیثیت سے ، آپ نے بہترین درجے اور دیانتدارانہ خدمات کو سرانجام دینے کےوعدے کو کامیابی سے انجام دیا۔اپنے کیئرئر کے دوران، آپ نے پاکستان کی مالی اور انضباطی حکمت عملیوں میں حصہ ڈالنے پر توجہ دینے کے ساتھ معاشی تحقیق پر تجربہ حاصل کیا۔آپ نے تقریباََ دو دہائیاں پہلے کے پی ایم جی کی مشاورتی طریقہ کار کو تن تنہا قائم کیا، جو آج کل اسلام آباد میں مشاورتی کام کےلئے جانا جاتا ہے۔ان اقدامات میں مالیاتی تخمینے، فیزیبلیٹیز، معلوماتی یاداشتیں، انٹرنل آڈٹ ایسسیمنٹس، ایچ آر ایسسیمنٹس، کنٹرول اور عوامل کےلئے ہدایات، قیمتوں کا تعین اور ڈویلپمنٹ ایڈوائزری شامل تھے جس میں پنجاب اور سندھ کی حکومتوں کا جائزہ
بھی شامل تھا۔

آپ نے پرائیویٹ سیکٹر،پبلک سیکٹر اور سول سوسائٹی آرگنائزیشن کے مختلف نوعیت کے فورمز/بورڈز میں خدمات سرانجاد دیں۔ایک مفکر کی حیثیت سے، وہ قومی اقتصادیات ، کاروبار،ٹیکس کے معاملات اور مسائل سے متعلق اپنے مضامین کے ذریعے اپنے خیالات اور نظریات کو عام کیا ہے ، جو باقاعدگی سے معروف روزناموں میں شائع ہوتے ہیں۔آپ گالف کھیلنے کے شوقین ہیں اور اس وقت اسلام آباد گالف کلب کے کپتان ہیں۔

آپ درج ذیل کمپنیوں کے بورڈز پربھی ڈائریکٹرشپ کے حامل ہیں:

• فوجی فرٹیلائزر کمپنی لمیٹڈ
• فوجی فرٹیلائزر بن قاسم لمیٹڈ
• فوجی سیمنٹ کمپنی لمیٹڈ
• ڈھرکی پاور ہولڈنگ کمپنی لمیٹڈ
• فوجی اکبر پورٹیا میرین ٹرمینل لمیٹڈ،
• فوجی فوڈزلمیٹڈ
• فوجی فریش این فریز
• فوجی انفراویسٹ فوڈزلمیٹڈ
• فوجی کبیر والا پاور کمپنی لمیٹڈ
• فوجی آئل ٹرمینل اینڈ ڈسٹری بیوشن کمپنی لمیٹڈ
• فوجی ٹرانس ٹرمینل لمیٹڈ
• فاؤنڈیشن پاور کمپنی ڈھرکی لمیٹڈ
• فاؤنڈیشن سولر انرجی لمیٹڈ
• فاؤنڈیشن ونڈ انرجی- I لمیٹڈ
• فاؤنڈیشن ونڈ انرجی- II لمیٹڈ
• فوجی میٹ لمیٹڈ
• فون گرو لمیٹڈ
• اولیو ٹیکنیکل سروسز لمیٹڈ

راجہ محمد عباس

راجہ محمد عباس گورننس ، پبلک ایڈمنسٹریشن ، پرسونل مینجمنٹ اور فنانشل مینجمنٹ میں وسیع تجربہ رکھتے ہیں ۔

آپ نے یونیورسٹی آف کراچی سے بیچلر ز ڈگری حاصل کی۔ آپ نے جون 1971میں پاکستان بحریہ میں شمولیت اختیار کی اور ٹریننگ مکمل کرنے کے بعد 1973 میں کمیشن حاصل کیا ۔ آپ کو مارچ 1980 میں ڈسٹرکٹ مینجمنٹ گروپ میں شامل کیا گیا۔

اپنی 33 سالہ طویل پبلک سروس کے دوران ، آپ نےضلع گوجرانوالہ، جہلم اور فیصل آباد کے ڈپٹی کمشنر کی حیثیت سے خدمات سرانجام دیں جن میں فوجداری انصاف کی انتظامیہ ، سول اینڈ ریونیو کے قانونی امور اور ترقیاتی منصوبوں کی نگرانی کی ذمہ داریاں شامل ہیں ۔ آپ صوبائی سطح پر بھی اعلیٰ عہدوں پر فائز رہے ، جن میں حکومت سندھ میں لیبر ، ٹرانسپورٹ اور صنعت کے صوبائی سیکریٹریز اور اس کے علاوہ حکومت پنجاب میں سیکریٹری سوشل ویلفیئر ، ویمن ڈویلپمنٹ شامل ہیں ۔

مزید برآں ، آپ نے ڈائریکٹر جنرل لاہور ڈویلپمنٹ اتھارٹی اور ڈائریکٹر جنرل پارکس اینڈ ہارٹیکلچر اتھارٹی ،حکومت پنجاب کی حیثیت سے بھی کام کیا ہے۔ آپ کو وفاقی سیکریٹری وزارت ہاؤسنگ اینڈ ورکس ، منیجنگ ڈائریکٹر پاکستان ہاؤسنگ اتھارٹی ، چیف سیکرٹری حکومت سندھ ، سیکرٹری بورڈ آف انوسٹمنٹ اور آخرکار ریٹائرمنٹ سے پہلے وزارت داخلہ کے سیکریٹری کی حیثیت سے اعلیٰ عہدوں پر فائز کیا گیا ، جہاں آپ نے اعلیٰ سطح پر مالیاتی اور انتظامی امور کی دیکھ بھال کی ۔آپ سندھ بینک کے بورڈ آف ڈائریکٹرز کے چیئرمین رہ چکے ہیں۔

آپ درج ذیل کمپنیوں کے بورڈز پربھی ڈائریکٹرشپ کے حامل ہیں:

• سندھ انشورنس لمیٹڈ
• ایم ایم مینجمنٹ کنسلٹنٹس (پرائیویٹ) لمیٹڈ
• سنرجیکوپی کے لمیٹڈ

آپ بیشتر بین الاقوامی کانفرنسز ، سیمینارز ، اجلاس اور اقوام متحدہ کے زیر انتظام فورمز میں بھی پاکستان کی نمائندگی کرچکے ہیں ۔

جناب عاطف ریاض بخاری

جناب عاطف ریاض بخاری قومی اور بین الاقوامی بینکنگ میں 34 سال کا وسیع تجربہ رکھتے ہیں۔ آپ نے اپنے بینکنگ کیریئر کا آغاز 1985 میں بینک آف امریکہ سے کیا جہاں آپ 15 سال مختلف ذمہ داریوں پر فائز رہے۔ جولائی 2000 میں بینک آف امریکہ چھوڑنے کے بعد آپ نے حبیب بینک لمیٹڈ میں شمولیت اختیار کی جہاں آپ کارپوریٹ اور انویسٹمنٹ بینکنگ کے سربراہ کی حیثیت سے فائز رہے۔

مئی 2004 میں آپ نے یو بی ایل کے صدر و سی ای او کی حیثیت سے چارج سنبھالا اور جون 2014 تک اس عہدے پر فائز رہے۔ اس دس سالہ مدت کے دوران یو بی ایل نے نئے متنوع کاروبار اور آمدنی کے ذرائع مثلاً کنزیومر فنانسنگ ، ای کامرس ، برانچ لیس بینکنگ ، ایسیٹ مینجمنٹ اور جنرل انشورنس جیسے جدید طریقے اپنائے۔ یو بی ایل پاکستان کا دوسرا بڑا پرائیویٹ کمرشل بینک بنا جس کا نیٹ ورک 1300 سے زائد برانچز بشمول 18 برانچزجو کہ 7 ممالک میں موجودہیں۔ 2014 میں یو بی ایل کے اثاثہ جات 10.8 ارب امریکی ڈالر اور پی بی ٹی 290 ملین امریکی ڈالر تھا۔ آپ یو بی ایل تنزانیہ اور یو بی ایل اے جی زیورخ کے چیئرمین اور یو بی ایل برطانیہ کے ڈائریکٹر بھی رہے۔

این آئی بی بینک ( فلرٹن فنانشل ہولڈنگز – تیماسیک۔ سنگاپور کی ملکیتی ذیلی کمپنی) کے صدر و سی ای او کی حیثیت سے آپ کی دو سالہ مدت دسمبر 2016 میں ختم ہوئی ۔

آپ مارچ 2020 سے جون 2021 تک بطور وزیر مملکت اور چیئرمین بورڈ آف انویسٹمنٹ (BOI) ، وزیراعظم آفس ، پاکستان میں اپنی خدمات سرانجام دے چکے ہیں۔

جناب عاطف ریاض بخاری فعال طور پر پاکستان میں صحت اور تعلیم کی ترقی کے لیے پرائیویٹ سیکٹرپروگرامز میں بھی حصہ لیتے رہے ہیں۔ آپ جج بزنس سکول ، کیمبرج ، برطانیہ کے ساتھ الحاق شدہ ادارے کراچی سکول فار بزنس اینڈ لیڈرشپ کے بانی ڈائریکٹرتھے۔ آپ بطور ڈائریکٹر اسٹیٹ بینک آف پاکستان (ایس بی پی) بورڈ اور ممبر مانیٹری پالیسی کمیٹی بھی خدمات انجام دے چکے ہیں۔ آپ شوکت خانم میموریل ٹرسٹ (SKMT) ، پیشنٹز ایڈ فاؤنڈیشن ، کڈنی سنٹر کے بورڈ آف گورنرز کی حیثیت سے بھی خدمات سر انجام دے رہے ہیں۔