محترمہ زویا محسن ناتھانی

محترمہ زویا محسن ناتھانی ایک سینئر بینکر ہیں جو کارپوریٹ بینکنگ ریلیشن شپ کے انتظام ، کیش اینڈ ٹریڈ سیلز ، کارپوریٹ فنانس ، سنڈیکیشنز ، سٹرکچرڈ ٹریڈ فنانس ، ایس ایم ای بینکنگ ، کنزیومر بینکنگ اور کریڈٹ رسک مینجمنٹ میں دو دہائیوں کا وسیع تجربہ رکھتی ہیں۔

آپ نے آئی بی اے کراچی سے بزنس ایڈمنسٹریشن میں اپنا ماسٹرز مکمل کیا اور لندن سکول آف اکنامکس سے فنانس اینڈ اکاؤنٹنگ میں ایم ایس سی ڈگری حاصل کی۔

آپ بین الاقوامی اور مقامی بینکوں میں مختلف اعلیٰ عہدوں پر فائز رہی جن میں گلوبل کارپوریٹس پاکستان ، اسٹینڈرڈ چارٹرڈ بینک کی ڈائریکٹر اور ہیڈ کارپوریٹ اینڈ کمرشل بینکنگ ، پاکستان ، جے ایس بینک لمیٹڈ (سابقہ امریکن ایکسپریس بینک) کی ہیڈ ، ڈائریکٹر کیپیٹس گروپ انٹرنیشنل اور بُرج بینک لمیٹڈ کی ہیڈ آف اسٹریٹیجی پلاننگ اینڈ ایس ایم ای شامل ہیں۔

آپ ایم این زی لمٹیڈ کے بورڈ پر بھی ڈائریکٹر شپ کی حامل ہیں۔

ڈاکٹر ندیم عنایت

ڈاکٹر ندیم عنایت نے20 جون 2013 ء کو عسکری بینک کے بورڈ آف ڈائریکٹر میں شمولیت اختیار کی۔

ڈاکٹر ندیم عنایت فوجی فاؤنڈیشن میں حکمت عملی ،انضمام اور حصول یابی کے سینئر ڈائریکٹر ہیں۔ آپ نے معاشیات میں ڈاکٹریٹ کی ڈگری حاصل کی ہے اور
کارپوریٹ سیکٹر میں بالخصوص کارپوریٹ گورننس ، پالیسی کی تشکیل، پروجیکٹ کا جائزہ، عمل درآمد، نگرانی اور جانچ پڑتال، تنثیم نو، اور عطیات دینے والے اداروں کے ساتھ اشتراک کا 28 سال کا متنوع تجربہ رکھتے ہیں ۔

آپ پاکستان میں اعلی تعلیم کے لئے اچھی ساکھ والے اداروں میں معاشیات اور بین الاقوامی تجارت اور سرمایہ کے مختلف کورسز کا انعقاد بھی کراتے ہیں۔ آپ پاکستان انسٹیٹیوٹ آف ڈویلپمنٹ اکنامکس (PIDE) کے رکن ہیں۔

آپ درج ذیل کمپنیوں کے بورڈز پربھی ڈائریکٹرشپ کےحامل ہیں

• فوجی فرٹیلائزر کمپنی لمیٹڈ
• فوجی فرٹیلائزر بن قاسم لمیٹڈ (ایف ایف بی ایل)
• ماری پٹرولیم کمپنی لمیٹڈ (ایم پی سی ایل )
• فوجی فوڈز لمیٹڈ (ایف ایف ایل)
• حب پاور کمپنی لمیٹڈ
• فوجی سیمنٹ کمپنی لمیٹڈ (ایف سی سی ایل)
• پاکستان ماروک فاسفور، ایس اے ماروکو
• فوجی آئل ٹرمینل اینڈ ڈسٹری بیوشن کمپنی لمیٹڈ(ایف اوٹی سی او)
• فوجی ٹرانس ٹرمینل لمیٹڈ(ایف ٹی ٹی ایل)
• فوجی میٹ لمیٹڈ (ایف ایم ایل)
• ایف ایف بی ایل فوڈز لمیٹڈ
• فوجی اکبر پورٹیہ میرین ٹرمینل لمیٹڈ(ایف اے پی)
• فوجی انفراویسٹ فوڈز لمیٹڈ (ایف آئی ایف ایل)
• فوجی کبیر والا پاورکمپنی لمیٹڈ(ایف کے پی سی ایل )
• فاؤنڈیشن پاور کمپنی ڈہرکی لمیٹڈ(ایف پی سی ڈی ایل )
• ڈہرکی پاورہولڈنگ کمپنی لمیٹڈ(ڈی پی ایچ ایل)
• فوجی فریش ان فریز لمیٹڈ(ایف ایف ایف ایل)
• فاؤنڈیشن ونڈ انرجیI- لمیٹڈ(ایف ڈبلیو ای ایل – I)
• فاؤنڈیشن ونڈ انرجی-II لمیٹڈ(ایف ڈبلیو ای ایل- I I)
• فوجی الیکٹرک پاور کمپنی لمیٹڈ (ایف ای پی سی او)
• ایف ایف بی ایل پاور کمپنی لمیٹڈ (ایف پی سی ایل)
• فونگرو پرائیوٹ لمیٹڈ
• فوجی سولر انرجی لمیٹڈ

جناب منظور ا حمد

جناب منظور احمد نیشنل انویسٹمنٹ ٹرسٹ لمیٹڈکےچیف آپریٹنگ آفیسر (سی او او )ہیں۔آپ بطو ر سی او او، 145 ارب روپے مالیت کے آپریشنز اور انویسٹمنٹ پورٹ فولیو کا کامیاب انتظام،سر انجام دے چکے ہیں۔ آپ کو میوچل فنڈانڈسٹری کا 30 سالہ تجربہ ہےاور NIT میں اہم عہدوں پر فائز رہ چکے ہیں جن میں کیپیٹل مارکیٹ آپریشنز، انویسٹمنٹ مینجمنٹ، ریگولیٹری اتھارٹیز کے ساتھ تحقیق اور رابطہ شامل ہے۔آپ نے مئی 2013 سے مئی 2014 اور ستمبر2017 سے فروری 2019 تک دوبا ر این آئی ٹی میں مینجنگ ڈائریکٹر (ایکٹنگ) کی حیثیت سے خدمات سرانجام دیں۔آپ ایم بی اے کے ساتھ ساتھ D.A.I.B.P ڈگری کے حامل ہیں۔آپ انسٹیٹیوٹ آف بینکرز پاکستان کے کونسل ممبر بھی رہ چکے ہیں۔

آپ معیشت کے مختلف نوعیت کے شعبوں سے تعلق رکھنے والی پاکستان کی اعلیٰ درجہ کی مختلف کمپنیوں کے بورڈز میں خدمات انجام دینے کا وسیع تجربہ رکھتے ہیں۔

آپ نے بین الاقوامی شہرت یافتہ اداروں جیسا کہ لندن بزنس سکول (ایل بی ایس ) یوکے، انسٹیٹیوٹ آف ڈائریکٹرز، لندن اور فنانشل مارکیٹس ورلڈ، نیویارک (یو ایس اے) کی جانب سے منعقدہ بیشتر تربیتی کورسز میں شرکت کی ہے۔

اس وقت ، آپ NIT کے نامزد ڈائریکٹر کے طور پر پاکستان کی بہت سی معروف نیشنل اور ملٹی نیشنل کمپنیز کے بورڈ آف ڈائریکٹرز کی نمائندگی کرتے ہیں۔آپ پاکستان انسٹیٹیوٹ آف کارپوریٹ گورننس سے تقدیق شدہ ڈائریکٹر بھی ہیں۔

آپ ڈیفنس اتھارٹی کنٹری اور گالف کلب کراچی کے بھی ممبر ہیں۔

آپ درج ذیل کمپنیوں کے بورڈز پربھی ڈائریکٹرشپ کے حامل ہیں:

• حب پاور کمپنی لمیٹڈ
• گندھارا ٹائر اینڈ ربڑ کمپنی لمیٹڈ
• سونیری بینک لمیٹڈ
• پا ٗنیرسیمنٹ لمیٹڈ
• پاکستان آئی بینک سوسائٹی (پی ای بی ایس ہسپتال)

جناب عاطف ریاض بخاری

جناب عاطف ریاض بخاری قومی اور بین الاقوامی بینکنگ میں 34 سال کا وسیع تجربہ رکھتے ہیں۔ آپ نے اپنے بینکنگ کیریئر کا آغاز 1985 میں بینک آف امریکہ سے کیا جہاں آپ 15 سال مختلف ذمہ داریوں پر فائز رہے۔ جولائی 2000 میں بینک آف امریکہ چھوڑنے کے بعد آپ نے حبیب بینک لمیٹڈ میں شمولیت اختیار کی جہاں آپ کارپوریٹ اور انویسٹمنٹ بینکنگ کے سربراہ کی حیثیت سے فائز رہے۔

مئی 2004 میں آپ نے یو بی ایل کے صدر و سی ای او کی حیثیت سے چارج سنبھالا اور جون 2014 تک اس عہدے پر فائز رہے۔ اس دس سالہ مدت کے دوران یو بی ایل نے نئے متنوع کاروبار اور آمدنی کے ذرائع مثلاً کنزیومر فنانسنگ ، ای کامرس ، برانچ لیس بینکنگ ، ایسیٹ مینجمنٹ اور جنرل انشورنس جیسے جدید طریقے اپنائے۔ یو بی ایل پاکستان کا دوسرا بڑا پرائیویٹ کمرشل بینک بنا جس کا نیٹ ورک 1300 سے زائد برانچز بشمول 18 برانچزجو کہ 7 ممالک میں موجودہیں۔ 2014 میں یو بی ایل کے اثاثہ جات 10.8 ارب امریکی ڈالر اور پی بی ٹی 290 ملین امریکی ڈالر تھا۔ آپ یو بی ایل تنزانیہ اور یو بی ایل اے جی زیورخ کے چیئرمین اور یو بی ایل برطانیہ کے ڈائریکٹر بھی رہے۔

این آئی بی بینک ( فلرٹن فنانشل ہولڈنگز – تیماسیک۔ سنگاپور کی ملکیتی ذیلی کمپنی) کے صدر و سی ای او کی حیثیت سے آپ کی دو سالہ مدت دسمبر 2016 میں ختم ہوئی ۔

آپ مارچ 2020 سے جون 2021 تک بطور وزیر مملکت اور چیئرمین بورڈ آف انویسٹمنٹ (BOI) ، وزیراعظم آفس ، پاکستان میں اپنی خدمات سرانجام دے چکے ہیں۔

جناب عاطف ریاض بخاری فعال طور پر پاکستان میں صحت اور تعلیم کی ترقی کے لیے پرائیویٹ سیکٹرپروگرامز میں بھی حصہ لیتے رہے ہیں۔ آپ جج بزنس سکول ، کیمبرج ، برطانیہ کے ساتھ الحاق شدہ ادارے کراچی سکول فار بزنس اینڈ لیڈرشپ کے بانی ڈائریکٹرتھے۔ آپ بطور ڈائریکٹر اسٹیٹ بینک آف پاکستان (ایس بی پی) بورڈ اور ممبر مانیٹری پالیسی کمیٹی بھی خدمات انجام دے چکے ہیں۔ آپ شوکت خانم میموریل ٹرسٹ (SKMT) ، پیشنٹز ایڈ فاؤنڈیشن ، کڈنی سنٹر کے بورڈ آف گورنرز کی حیثیت سے بھی خدمات سر انجام دے رہے ہیں۔